सत्ति /टीकापुर महोत्सव पुस २९ गतेबाट सुरु हुन भएको छ ।
सुदुरपश्चिम औद्योगिक व्यापार मेला तथा टीकापुर महोत्सव संघले पुस २९ गतेदेखि माघ ११ गतेसम्म हुने भएको हो ।

सोमबार संघले पत्रकार सम्मेलनमार्फत साे जानकारी गराएको हो । संघका अध्यक्ष सन्तोष खड्काले पत्रकार सम्मेलन मार्फत महोत्सव हुने सार्वजनिक गरेका हुन् । टीकापुर लगायत यश क्षेत्रका विकासका एजेण्डालाई बोकेर २०६५ सालदेखि हुँदै आएको टीकापुर महोत्सवले यसवर्ष पनि त्यसैअनुसार गर्ने जनाएको हो ।
महोत्सवमा विगत झै कृषि प्रदर्शनी, विज्ञान प्रदर्शनी, रमाइलो मेला, स्थानीय तथा राष्ट्रिय स्तरका कलाकारको प्रस्तुति रहने बताइएको छ । महोत्सवमा दुई सय ५० व्यापारिक स्टल रहने बताइएकाे छ । यसवर्ष झण्डै १० लाखले महोत्सव अवलोकन गर्ने र झण्डै साढे तीन करोडको कारोबार महोत्सवमा हुने विश्वास गरिएको छ।
उनले स्थानीय व्यापारीहरुलाई महोत्सवमा २५ प्रतिशत छुटमा स्टल उपलब्ध गराइने बताए । महोत्सवले टीकापुरको आर्थिक गतिविधिलाई बढाउने विश्वास संघको छ । महोत्सव तयारीका लागि संघले विभिन्न उपसमिति समेत बनाएको छ ।










समाचार 